葉麗儀寸G.E.M.「成功」唔使畀忠告
肺容量與氣燄同樣大的鄧紫棋（G.E.M.）在個唱擺國際巨星款，將港媒拒諸門外，震怒傳媒界。這片怒火蔓延至一班前輩級歌手，紛紛圍插這位「太空天后」。「巨肺始祖」葉麗儀暗寸G.E.M.破壞規矩，夏韶聲則質疑她不懂飲水思源。
G.E.M.在前日舉行的紅館個唱上大玩「國際級排場」，請香港文字傳媒食「閉門羹」謝絕採訪，更兩度派保安驅趕記者。這位上位「太空天后」耍大牌行為，令不少前輩級歌手也睇唔過眼，火頭四起！
繼肥媽寸爆G.E.M.博宣傳後，夏韶聲出席電台訪問時亦狂寸G.E.M.上位後忘本：「有啲上位藝人會忘記冇下面班人（指記者）係上唔到去。但呢個女仔幾純嘅，可能係佢經理人叫佢咁講啦。如果佢唱到上太空，就拎埋我隻碟上去囉！」
靚聲氹乖孫
另一位殿堂級歌手葉麗儀（Frances）昨日為本月21至23日舉行的「葉麗儀45年香港情演唱會」進行綵排時，也暗寸G.E.M.唔跟規矩：「我有睇報紙，佢公司有佢嘅政策，但我哋老一輩就唔會咁囉。（畀忠告呢位後輩？）佢咁成功，唔使畀忠告佢啦！」另外，贊助商即場送上愛心靚湯給Frances及音樂總監倫永亮，Frances透露其中一場慈善場已籌得超過100萬善款，將撥捐慈善機構作醫療發展。
提到身在澳洲的一對寶貝孫，「靚聲嫲嫲」Frances自爆經常唱歌給5歲的細孫聽：「有時見到就會唱兒歌佢聽，佢認得我把聲。不過佢之前個腦出過事，智商發展得1歲咁上下，依家教佢『I'm five』，佢手指舉得兩隻，唔識彈起其他三隻手指，慢慢教啦！」
文：音樂組