傅嘉莉生日好姊妹獻咀

今天踏入30歲的模特兒傅嘉莉（Kelly），前晚獲一班同演無綫劇集《張保仔》的好姊妹陳凱琳、龔嘉欣、朱璇及樂瞳等預送生日驚喜，紛紛「獻咀」，Kelly大感sweet爆說：「因為個個開工都好忙，所以我嗰晚去到都有少少嚇親。最搞笑係當晚冇準備蛋糕，只有少量甜品，原因係大家都驚肥同要keep fit。」
壽星女傅嘉莉（中）獲樂瞳（左起）、龔嘉欣、陳凱琳（右三）及朱璇（右二）獻吻。
壽星女傅嘉莉（中）獲樂瞳（左起）、龔嘉欣、陳凱琳（右三）及朱璇（右二）獻吻。

而今天正日生日的Kelly表示會在工作中度過：「做完嘢就同屋企人食飯慶祝，我諗住月尾拍埋套劇先，會同所有一月生日之星搞生日會。（有咩生日願望？）希望大家會鍾意睇我做嘅戲，同埋之後可以嘗試更多不同角色，我發現自己原來真係好鍾意、好有熱情演戲，之後嗰十年我會放更多時間喺呢方面，希望唔使太耐會有好成績啦！」她又透露今年生日收到很多手作禮物，令她更珍惜每一份友誼。

得劇中好姊妹預祝生日，令Kelly（中）十分感動。
  • 得劇中好姊妹預祝生日，令Kelly（中）十分感動。