李嘉欣一仆一碌變喪屍

李嘉欣昨日出席MICHELE X iPANDAS萬希泉陀飛輪慈善手錶發布會，籌得善款將撥捐Michele成立的JMJ兒童慈善基金會，同場還有歌手黃又南、太子珠寶鐘錶主席鄧鉅明、玩具大王蔡志明兒子蔡加讚等，場面熱鬧。

設計腕錶老公支持

Michele透露今次首度設計腕錶，過程有趣，而且甫推出已籌得廿八萬善款，可算是最好的新年禮物。問到老公許晉亨如何支持？她說：「佢出錢啦，我揸主意話買幾多就買幾多，做慈善幾多都可以，起碼每款唔同色嘅錶帶都買兩三隻啦！之前出咗樣辦，已經好多朋友認購。（設計童裝錶畀囝囝？）童裝陀飛輪，好似唔係咁樸素喎！」

另外，早前Michele與老公及兒子小JM到北海道滑雪，是她與小JM的處女滑雪，但囝囝比她滑得好得多，她自嘲說：「我仲喺個兒童滑雪場度跌到一仆一碌，囝囝同老公已經上到個斜坡喺我身邊滑過，我仲好似喪屍咁爬緊。（囝囝玩到唔捨得走？）小朋友對大自然嘅沙呀、雪呀都好鍾意，我就麻麻哋，所以我要從中搵樂趣，已經定咗4月初再去，教練都讚我好努力，慢慢滑到，都有滿足感。」

李嘉欣初學滑雪，跌到一仆一碌的她形容在雪地爬行有如喪屍！

黃又南因食蝦敏感致面上出粒粒。

囝囝超嘈好想跳機

不過Michele笑言只可到日本滑雪，因受不了與兒子乘坐長途機：「今次機程唔夠六個鐘，中途我已經想跳機，囝囝又唔瞓，同機又有好多小朋友，好嘈！」

左起：孫秉樞太平紳士、蔡加讚、品牌創辦人沈慧林及王嘉恩喜相逢。

鄧鉅明表示有興趣設計富代表性手錶。

另外，問及鄧鉅明有否興趣設計手錶？他說：「可以考慮，我做咗鐘錶卅年，都應該為香港鐘錶界同自己公司設計啲有代表性嘅錶，但要有靈感，出吓限量版款都好。」而黃又南臉上長滿粒粒，他解釋因食蝦敏感所致，服藥後已有好轉，之前嚴重到要戴口罩出街，以免影響市容。

文：名人組