王菀之恨成家 糖妹黐屋企
歌手王菀之（Ivana）和糖妹日前為實惠家居拍攝以「小小空間‧大大宇宙」為題的廣告，身為品牌代言人的她們以超過十款不同造型於廣告出現，而Ivana亦會重新演繹經典兒歌《小時候》作為廣告主題曲。
受訪時問到二人的dream house？有男友的Ivana表示視乎人和布置：「唔關個（面積）大細事，最好係舒服、有自己世界、有我愛嘅人、鍾意嘅公仔喺入面。（即係想有咩人？）我愛嘅人。（老公？）希望有一天。（都快啦？）我唔知喎。」而單身的糖妹就希望與家人共住：「屋嘅大細唔係最重要，最重要係一家人齊齊整整，同細佬可以有間房，因為佢依家同爸爸媽媽一間房，我覺得好似欠咗佢咁，自己啲嘢就霸晒成間屋企。」孝順的她亦希望家人生活環境能更好。
多玩具少衫褲
兩人亦指現時傢俬都很百變：「特別係新嗰啲傢俬，好幫得手同方便！」而身為創作人的Ivana亦透露自己有很多收藏品，從玩具到有關音樂的物品也有收藏，問到最多的收藏品是甚麼？開過三次二手衣物店的Ivana笑言：「最多係玩具，衫褲鞋襪就冇晒。」而與家人同住的糖妹就表示：「我衫同鞋比較多，但冇時間執，同埋如果執亂咗，阿媽會鬧我。」記者打趣說糖妹可學Ivana賣二手衫，糖妹即笑言：「我啲衫唔夠佢啲貴，唔好意思攞出嚟。」
文：音樂組