林欣彤（Mag）、RubberBand（RB）、AGA等昨日到電台出席記者會，眾人稍後將會在伸手不見五指的漆黑環境中獻唱，之前已參與過演出的RB主音６號就爆笑料：「上一次開心得滯，喺場內走嚟走去，因為黑麻麻搵唔番個咪架，摸摸吓仲摸到觀眾個頭！」泥鯭則表示要準備好默契：「平時有得望住大家，知道幾時開始，如果全黑環境真係要練吓。」
Mag則表示自己都有黑暗的一面：「我好極端，好易鑽牛角尖，仲將呢面寫咗入《時間》隻歌，有朋友聽完都話唔想再聽第二次。」
