周秀娜暗藏峰芒絕密激凸

藝人周秀娜、吳千語、鄧麗欣、何佩瑜、毛舜筠、汪詩詩、黃又南等到旺角出席「天馬娛樂」老闆黃百鳴開設的「Cinema City朗豪坊」開幕禮，娜姐以密實白色長袖冷衫零性感亮相，原本萬無一失，可是她到場時卻出現「飛釘」奇景，頸上又離奇有紅印。

吳千語日本滑雪

娜姐受訪時講到「飛釘」十分尷尬，她笑說：「係咩？（有冇戴bra？）有，日日都有。（咁失策？）冇諗過會現形，一向好小心，好少會咁樣。可能天氣凍，一陣部戲叫《飛鳥俠》自己成身羽毛着到成隻雀咁，以為飛得起添，下次小心啲。」

鄧麗欣大露背，她說黐到實不怕走光。

莊思敏

吳千語則以露臍裝亮相，她透露農曆新年會與男友林峯一行十多位朋友到日本滑雪。千語已學滑雪多年，但技術仍是名副其實的BB級，她笑說：「因為一年玩一次所以仲喺BB級，佢（林峯）學得快啲。（男友做「人肉墊褥」﹖）我一跌佢就笑我囉。（新年去廈門拜年﹖）佢新年好似要錄唱片唔喺香港。（自己去拜年﹖）自己去好似尷尬啲，都係一齊去好啲。」

吳千語（右）露臍，徐靖雯tube top，各有各搶鏡。

放大圖片

鄧麗欣戥Miki開心

以大露背裝到賀的鄧麗欣說：「今日回暖嘛，已經黐好膠紙，但係件衫質地問題黐得唔係好實，所以都要夾住條裙以防走光。」講到好友楊愛瑾（Miki）獲男友永安太子爺郭永淳發聲明力證並非「小三」，問Stephy可覺得聲明發得太遲？她說：「佢男友好好，發聲明等大家知道發生咩事，冇嘢係怕遲嘅，可能之前太多誤會未解決，依家真係好圓滿。（Miki打算結婚？）佢又冇講過，我哋應承過大家結婚要同對方講，唔可以睇報紙先知，希望佢兩個開心啦。」

採訪：影視組