郭晉安封帝賣「老婆」

「視帝」郭晉安、張繼聰及李亞男等，前晚在將軍澳寶琳出席無綫劇《忠奸人》慶功宴，憑該劇封帝的安仔自爆有意拍賣頒獎禮戰衣，以幫助長者。問到拍賣印有其仔女肖像的戰衣會否不捨？安仔表示獲設計師製作一黑一白的同款西裝，故能保留一套紀念。談到他揚言該西裝象徵愛妻，此舉豈非「賣老婆」？安仔說：「冇辦法啦，為咗慈善冇所謂，我又唔係賣咗佢本人！」
郭晉安和李亞男在慶功宴中再聚首。
郭晉安和李亞男在慶功宴中再聚首。

張繼聰被問到太太謝安琪於叱咤頒獎禮身體不適而缺席慶功，他指老婆病到又暈又嘔：「佢全日都取消咗工作，應該係囝囝傳染佢。」

李亞男則透露忙於籌備婚事：「籌備咗五成，我哋唔知有咁多嘢搞，時間好少。」提到祖藍日前自爆有「長短腳」，亞男指對方情況不嚴重，又否認與未來奶奶存在婆媳問題。

張繼聰指老婆謝安琪又暈又嘔。
  • 張繼聰指老婆謝安琪又暈又嘔。
黃一飛碰巧同場食飯，特地走來祝賀安仔。
  • 黃一飛碰巧同場食飯，特地走來祝賀安仔。