周國豐耍棍 盛君過招興奮
已故名人周啟邦的兒子周國豐與好友王嘉恩同喜愛國術，前年創立香港國術總會致力推廣武術，近日兩人邀得有功夫底子的藝人盛君入會，兩男一女早前更以武交流，首次舞棍的周國豐與盛君對打時，擔心說：「驚錯手打到佢。」
周國豐與王嘉恩，一個是律師，一個從事物流生意，但兩人志趣相投，同樣醉心武術，周國豐跟隨詠春師傅江志強學習詠春多年，而王嘉恩曾修練氣功，對各樣兵器均甚有興趣，2013年成立香港國術總會，定期舉辦武術講座，去年曾前往少林寺作武術交流。近日兩人又有新搞作，邀得黃百鳴旗下新人盛君入會，擔任國術推廣大使。
驚打傷靚女
外表斯斯文文的盛君，讀書時期已開始習武，曾學習太極和跆拳道，於北京電影學院畢業的她，修讀形體課程，身體柔軟度極高，加上領悟力甚高，對刀槍拳棍樣樣也感好奇。早前三人作武術交流，即場舞刀弄劍耍棍一番，期間周國豐與盛君更以長棍對打，首次用棍的周國豐說：「自己未學過兵器，幾好玩，平時好少同人對打，今次仲同個咁靚女嘅，因為第一次用棍，我驚錯手打到佢，有少少怯。」
拍戲唔錫身
但同樣首次用棍的盛君，卻表示冇有怕，她興奮地說：「未試過用棍，原來咁好玩。」她續說：「早排拍電影《青春鬥》時，練咗一輪刀劍，搞到全身傷，因為成日用腳踢，拍時唔知痛，返酒店除鞋先知點解流晒血嘅？原來腳甲爆咗。（感染身邊人都學武？）我經理人依家都一齊學太極，我覺得學武身體好啲，少病咗。」但她說自己只是好動，動起來像個男生，但私下她其實喜歡行街扮靚，亦有女性溫柔一面。而王嘉恩透露正籌備出有關武術的書，希望社會上有更多不同階層接觸及認識武學。
採訪：Tracy Leung
攝影：吳文聰
場地：江志強武館