周柏豪奪金有壓力

型男周柏豪前晚在叱咤頒獎禮首奪「男歌手金獎」，他出席慶功宴時表示感壓力：「拎到呢個獎壓力好大同夢想成真。（擊敗陳奕迅、許志安喎。）唔係我擊敗，係佢哋承讓，我先有呢個機會。（冇多謝女友？）私下一定會重點多謝。」

首次奪得「我最喜愛的男歌手」的張敬軒，被問到為何不在台上感謝密友關智斌？軒仔說：「呢啲嘢在心中。」軒仔又解釋為何要手持水晶燈上台：「想畀大家一個全新嘅張敬軒，水晶燈係19世紀法國古董，成40幾萬港幣。」而連下兩城的許志安表示好滿意成績，好開心可以重拾當年出席頒獎禮的心態。