祖兒棄千萬陪母退癌魔

樂壇天后容祖兒出名孝順，平日跟媽媽形影不離，多次明言全靠媽媽的照顧才能夠在事業上屢創高峰的她，前晚在頒獎禮慶功宴上驚爆媽媽去年不幸患癌，祖兒為了陪伴媽媽，即使停工近半年損失過千萬亦在所不計！上天不負祖兒的孝心，祖兒說媽媽已擊退癌魔：「依家雨過天青，佢又健康返晒嚟！」

容祖兒前晚在頒獎禮慶功宴上談到母親擊退癌魔時展露笑顏。

自小跟媽媽和弟弟相依為命的容祖兒，是圈中出名的孝順女，由出活動到演唱會，甚至外地登台都有媽媽在背後默默支持。祖兒亦經常表示自己有今日的成績，媽媽功不可沒，兩母女感情相當深厚。去年祖兒陪伴母親抗癌，要到年尾才再推新歌，結果前晚在叱咤頒獎典禮上只能奪得「叱咤女歌手」銀獎，在發表感言時祖兒稱要將獎項獻給去年跟病魔抗戰的媽媽，令人感動。

「一切回歸正軌」

在頒獎禮慶功宴上，祖兒首度開腔講述媽媽的病況，坦認媽媽去年不幸患癌，幸好現在已經雨過天青：「過咗去，冇事好番，打勝仗！」回想當時情況，她說：「我哋發現喺我做緊伍樂城音樂會嗰時，發現已係第三階期，我覺得好開心嘅事情係一家人一齊去面對。」至於容媽媽患甚麼類型的癌症，祖兒就不想透露：「唔使問得咁徹底，又唔會望到個器官。」

祖兒曾停工半年照顧媽媽。（資料圖片）

祖兒、千嬅及薛凱琪今年都有不同目標。

容媽在微博引用祖兒歌曲《世上只有》的歌詞表達對女兒的感激之情。

祖兒謂當時身邊朋友都勸她家人最重要，所以決定拋開一切，全力陪伴媽媽抗癌：「當我知道媽咪好需要我，我覺得冇任何事緊要得過嗰一刻，工作可以有排做，但呢一刻佢需要我而我唔喺度，即係我打拚咗咁多年，佢一路都照顧得我咁好嘅時候，到咗呢一刻掉番轉，我係唔係要做番一個女兒本分呢。」停工近半年專心陪媽媽做治療的祖兒，期間推掉不少工作，損失起碼過千萬。

談到至親患病的心情，祖兒直言：「當時好唔開心，我覺得唔應該講出嚟，因為作為一個病人唔應該承受壓力。依家過咗去，雨過天青，佢又健康返晒嚟，現時係康復階段，冇乜大礙。」問到媽媽現時情況，祖兒回復笑容稱：「現階段康復中，大家都唔使太擔心，一切都回歸正軌。當然要覆診，頭呢兩年都要Check住，確保健康，希望安然度過。」同時又提醒大家：「希望大家見到媽媽唔好嚇親佢。」

容媽媽昨在微博貼了幾張自己與祖兒的合照，又寫文表達心情，並引用了祖兒歌曲《世上只有》的歌詞：「一切安好，感恩！你亦是我支柱、動力和意義！」

千嬅「畀風吹起」

而前晚奪兩獎的楊千嬅，受訪時表示清減了很多：「老公話要我畀風吹起，今次要做到真係畀風吹起！」談到獎項，千嬅表示已很久沒染指歌曲獎，坦言因曾與許廷鏗、羅力威及藍奕邦開騷，受三位男士影響，覺得自己要更加努力。對於上一次奪女歌手獎已是10年前，今次可有激起自己團火？千嬅說：「本身都有錄音同做演唱會，都係繼續做。」