趙式和藝術狂迷 借錢買畫

趙式和於2010年在灣仔開設畫廊，近日將畫廊搬到上環擴充，而原有於灣仔的畫廊就改成life style store「Maison Huit」。問到何以在瘋狂租金氣候下仍冒這個險？她說：「之前嗰度地方太細，show唔到更大嘅畫。有啲藝術家要特登畫細幅啲嚟就番我哋，所以依家搬去兩層2500呎嘅地方，大咗好多。（收支平衡？）下年要搞多啲展覽，同埋再勤力啲去畫展，希望帶多啲好作品畀大家！」

還清債務

式和又透露其藝術細胞來自家族遺傳，爺爺、嫲嫲、父親和母親，都在不同的藝術範疇上有所研究。而她從幼稚園開始便愛上畫素描、水彩、油畫及陶瓷等，長大後更開始收藏畫作，至今累積500幅，多得要擺放在倉。問到老公可有阻止？她笑言：「佢都冇乜阻止，因為從生意角度上，係幾好嘅投資。有時唔夠錢買畫都會問daddy借，但每次我都會還晒畀佢，冇錢就兩、三萬咁還，有就還多啲，依家已經全部清晒，我好proud of自己。」

趙式和視母親何琍琍（右）為偶像。	「Maison Huit」充滿藝術氣息。	「Maison Huit」變為life style store，感覺舒適悠閒。

題材無限

她續表示任何題材的畫作都有收藏，有開心、有沉重，每幅都不同。最近她就買了一幅畫家自畫吃完的碗筷，被老公質疑價值何在？她認為每幅畫作都有其含意，是很個人的感受。她計劃安排畫家來演講，希望能將藝術訊息帶給港人。能將喜歡的事情變成工作，是否很滿足？她笑說：「依家都幾開心呀，不過我都掛住嗰陣同媽咪一齊喺上海做餐廳嘅日子。媽咪係我偶像，佢好年輕就去咗拍戲。其實佢一直都鍾意讀書，為咗拍戲搵錢就放棄理想。依家佢退休去番讀書，完成自己嘅學業，實現心願！」

採訪：Ada Lam

攝影：嚴偉國