任達華阿Sa稱帝封后

藝人蔡卓妍（阿Sa）昨晚憑英皇電影《雛妓》在「澳門國際電影頒獎禮」中擊敗一眾勁敵包括鞏俐和高圓圓等勇奪「金蓮花最佳女主角」，得獎後她表示與任達華合作無壓力亦好放心，大讚華哥經驗豐富，就位技術一流；華哥亦憑同一電影奪得「金蓮花最佳男主角」，他得獎後受訪時說：「好多謝老闆楊受成，因為呢類型嘅電影唔係一般人願意投資。」

阿Sa新戲大解放

其實今次阿Sa在電影中的角色非常突破，飾演記者的她除了上演「女咀女」外，電影預告也率先將阿Sa遭華哥摸胸、與及她騎在華哥身上被錫胸的片段曝光，意識極度大膽。阿Sa受訪表示接拍時已知道有激情戲份：「接嘅時候係畀個故事感動到，我覺得唔應該將焦點放喺親熱戲，而且個角色好難得，最初都會有心理關口，但好快就突破咗，（拍時尷尬？）其實呢幾場戲都係必須，只不過係順應劇情。」

蔡卓妍（左）上演一幕同性咀戲。	蔡卓妍和任達華在戲中有大膽場面。	張藝謀（左）和尚格雲頓識英雄重英雄。

張藝謀親自攞獎

而華哥昨晚受訪亦笑稱拍攝時忙於遮住「穿崩」位大感疲累，同時大讚阿Sa演技躍進，他謂：「啲人話阿Sa乜都冇，其實佢有身材又有戲！」陳嘉桓昨日一身蝦肉色長裙出席，她透露今晚除夕倒數會在港度過，但暫時未有約。

昨晚其他獎項得主包括鍾澍佳奪「金蓮花最佳導演」；「謀女郎」張慧雯獲「金蓮花最佳新人」；張藝謀獲「金蓮花最佳華語傑出導演獎」與及呂良偉奪「金蓮花華語影視表演傑出成就獎」。