張家輝氹老婆揸180萬新車掃貨
影帝張家輝近年事業大豐收，荷包豬籠入水頻頻買靚車，坐擁林寶堅尼及保時捷的他，近月再斥資180多萬購下四驅車，日前家輝揸大玩具新車往中環血拼掃貨買禮物送給妻女，收穫豐富的他，更笑到見牙唔見眼，心情靚到爆。
現年47歲的張家輝，近年事業發展一帆風順，攞獎攞到手軟，荷包更是豬籠入水，出名愛妻的他，名成利就後除了買物業贈妻女，亦不時購入靚車給自己作為獎勵，家輝本身已擁有超級跑車林寶堅尼及保時捷代步，開工更有七人車接送，但近月再心思思買入一輛新四驅車，感受不一樣的駕駛樂趣。
放低戰利品再買
日前傍晚7時多家輝駕駛其落地僅三個多月，以180多萬購入的四驅新車往中環出巡，當日穿西裝外套，戴上鴨嘴帽的他心情甚靚，不停穿梭名店，睇完精品又睇童裝，繼而連女裝都睇埋，未幾已大有收穫，買到一袋二袋，平時經常有助手陪伴左右的家輝，這日為妻女買禮物不假手於人，只見他興奮地拿着多袋戰利品步出商場，逕直走去停泊在酒店門外的座駕，與泊車員傾了兩句，然後將戰利品放上車後，繼而再折返商場掃貨。身家暴漲的家輝樂於趁年尾大手筆買禮物與身邊至愛親朋分甘同味，一於人人有份永不落空，一同分享其努力的成果。
文：追蹤組