萬綺雯黃心穎喪(目及)裸男
藝人萬綺雯（蚊蚊）及黃心穎昨日於電視城拍攝無綫劇集《東坡家事》，女扮男裝的心穎爆笑起勢「調戲」蚊蚊。問到心穎為何扮男仔示人？她自稱於新劇中形象百變。心穎與王浩信飾演鬥氣冤家，她自爆迷上對方的爆肌身形：「我喺劇入面好恨嫁又鍾意靚仔，今次我扮男仔去偷睇佢打摔交！（佢半裸上陣？）係呀， 佢係『古代撒亞人』！」問到心穎於現實中是否鍾情肌肉男？她笑說：「OK啦，但見到對隻眼都好！」
蚊蚊亦大讚浩信身材「應有盡有」：「佢練到好結實。（有腹肌同人魚線？）要有嘅都有齊。佢之前都有場除衫戲，一除就令女fans興奮到流鼻血！」問到二人當時有否流鼻血？心穎笑說：「睇到流口水，因為拍到肚餓。」蚊蚊亦自認「為食」，又稱讚浩信為操弗身材而嚴格戒口。