陳嘉容被點錯相追數嚇餐飽

名模陳嘉容（Eunis）早前由東京返港時，在香港機場被三名彪形大漢點錯相指她欠人錢，她憶述事件時仍猶有餘悸：「我行出閘口時，突然有三個彪形大漢走埋嚟圍住我，好惡咁講『喂，你爭人錢好還喇喎！』畀佢哋咁兇法，我當堂嚇一嚇，心諗佢哋認錯人。我冇理佢哋繼續向前行，點知佢哋衝上前再叫住我話『你唔好走呀，好還錢喇，咪以為你係女仔我哋就唔敢郁手！』佢哋咁講我更加驚，覺得佢哋恐嚇緊我，我話佢哋認錯人喇，佢哋就叫我『你除咗頂帽除埋副超嚟睇吓！』我梗係唔理，加速腳步繼續行，扮晒鎮定但其實驚到震晒。」Eunis走向機鐵站，三名大漢亦一路尾隨，Eunis忍不住表示要報警，說罷便衝上了機鐵，幸好三人沒有跟上車，最後有驚無險。