寸嘴Barbie拖新歡warm住濕平
身材Big爆的「寸嘴Barbie」夏尉喻，去年被指搭上唱片公司太子爺張子丰，但原來她最近換了畫，昨日發現Barbie與一名年約30歲、戴Cap帽的高大型男十指緊扣現身中環行街，Barbie雖然穿上毛毛褸密冚巨咪，但卻以花花短裙褲晒腿look上陣，沿途兩人邊行邊「蜜蜜」傾，認真sweet！
夏尉喻去年甩拖後火速搭上唱片公司太子爺張子丰，雖然經常拍得兩人甜蜜行街，甚至獲男方管接送，但Barbie一直未有承認戀情。早前她為周星馳新戲《美人魚》頻頻練游水，搞到食欲大增兼體重上升，身材再度升級變G奶。
型男年約30歲
最近忙於拍攝新戲的Barbie，曾表示聖誕期間因要工作無暇慶祝，雖然工作排到密麻麻，但原來她最近又換畫，今次的新歡是一名年約30歲、身材高大的型男，昨日Barbie趁着不用開工，爭取時間與新歡見面。約下午5時，悉心打扮的Barbie，雖然穿上啡色毛毛褸密冚巨咪，但下身卻以花花短裙褲上陣，大騷一對白滑長腿，與戴住Cap帽的型男十指緊扣現身中環逛商場，邊行邊「蜜蜜」傾，sweet爆！未幾兩人進入該處一間店舖睇電話及平板電腦，Barbie一直陪伴男友左右，但逗留一會卻沒有斬獲，她繼續拖住男友甜蜜遊街。
外國返做生意
記者就拖新歡一事昨致電Barbie，她承認與對方了解中：「係我了解中嘅男性好友，呢段時間我要拍戲，又要做商演活動，好少時間喺香港，所以爭取時間陪我行街揀吓禮物。（你哋拖晒手喎？）係咪角度問題呀？冬天手凍，佢畀啲暖我啫！」問到是否被對方狂追？她說：「都出過吓招，有少少感動，但仲要繼續觀察。」問到男方是否富二代？她說：「應該唔係，佢有自己生意，外國返嚟。」
文、攝：追蹤組