泳兒擸三獎破紀錄
天后容祖兒因在美國巡演，未能出席新城頒獎禮，新城知訊台台長朱明銳直言：「新城好傷心。」他坦承深深不忿：「心有不甘，英皇點解喺呢個時候畀佢喺美國演出呢？」銳哥更重提去年聖誕祖兒在紅館開騷，同樣缺席新城頒獎禮，在元旦卻提早開騷趕去叱咤頒獎禮，他說：「過去新城對佢咁好，希望祖兒明白銳哥幾咁錫佢。」
霍汶希：銳哥好大方
銳哥續稱：「我對英皇仁至義盡、有情有義，今年依然係英皇大贏家，只係希望英皇考慮歌手檔期。」對此，英皇高層霍汶希謂：「上年祖兒要做跨年騷冇計，而美國每年聖誕節，都耗資龐大製作費搞演唱會，但新城咁啱舉行頒獎禮。英皇、祖兒絕對支持新城，希望銳哥明白，佢好大方，唔會嬲。」
而前晚英皇唱片成大贏家，擸18個獎，泳兒贏三獎破紀錄，上月在新城活動不滿被安排坐側邊位的羅力威，前晚坐中間位，他說：「幾舒服呀。」