小儀摸掌揀仔 知鹹濕
DJ阮小儀昨日以代言人身份出席冬日美食節的「意美廚」廚具活動，她在Boxing Day大派聖誕禮物，送出不少廚具給現場觀眾，之後又與廚師即場炮製牛柳粒及火雞意粉，小儀力讚易潔鑊勝在夠輕盈，笑言可當球拍打網球。
「美女廚神」小儀教大家用掌心肉的柔軟度來分辨牛扒幾成熟，更化身溝仔「掌」門人，教人憑手掌揀男人：「手肉脹卜卜，代表個男人唔好生養，手肉有彈性就代表鹹濕。」小儀表示今年聖誕未有親自下廚，聖誕節正日則帶父母吃西餐。提到最近被拍到有不少猛男埋身，惹來拍拖疑雲，她否認說：「影到好多個猛男喎，唔知認邊個好，媽咪睇完報道流晒口水。可能我男仔頭性格，大家又知我單身，所以好多男性朋友照顧我。」
拒食嫰草
問到可有啱心水的異性？恨拍拖恨到出面的小儀笑說：「我一日未結婚，個個都睇得上眼，但唔知人哋點諗啫。」她又預告會出席中學同學聚會，問到可有心儀目標？她笑言：「冇目標呀，因為我讀女校，好多同學都會攜眷出席，得一個單身，就係同學個仔，但我唔搞未成年少男，等佢大啲先算啦。」
文：音樂組