鍾嘉欣講心唔講金 掃平貨畀男友

有「新一代慳妹」之稱的鍾嘉欣，出道以來衣食住行樣樣慳到盡，近年穩坐一線花旦的她，依然不改作風，前日下午3時多她在女助手陪同下現身中環行街，無論是為自己置裝或買禮物給至愛親朋，甚至買畀男友伍允龍，一概揀平貨。

見記者繼續揀

戴冷帽及眼鏡的嘉欣行入商場後步入一間大眾化的店舖揀選心頭好，全程專攻$399的新裝，揀完女裝又睇男裝，揀得興起之際發現記者，嘉欣難免即一臉尷尬，但慳錢至上最終亦懶理，繼續揀平貨，約半小時後嘉欣已有收穫，並拿出數張五百元紙幣付款，之後她又步往附近店舖揀選聖誕茶葉禮盒。

記者追問嘉欣掃靚衫，是否扮靚往男友伍允龍家見家長，她聞言即甜笑不語，再問買了甚麼禮物予男友，她即說：「唔講，一陣都會繼續去買禮物，所以想多啲私人空間。」說罷即與記者道別，繼續搜羅平靚正禮物。

文：追蹤組