張兆輝精壯 床戰敏之唔備案

張兆輝、陳敏之、阮兆祥、江美儀、王君馨等，昨日出席無綫劇《性在有情》的拜神活動。張兆輝身披戰袍手握大關刀亮相，心口掛着「精」字的他更被許紹雄笑問是否姓捐，叫捐精。張兆輝指古裝是角色的幻想搞笑情節，驗身前發夢自己的「子孫」十分精壯，問到張兆輝拍親熱戲要否向太太備案？他說：「唔使，拍戲啫！電視尺度都有限，套劇都係輕鬆搞笑。」被問到有否向兒女灌輸性知識﹖他說：「依家唔同以前，學校有教，咁家長都要從旁引導。我都有問個仔有冇女友，佢話未有，有會同我講。」問他可擔心兒女在平安夜失身？他說：「呢啲好睇個人，都有教佢哋按部就班，聖誕都會同佢哋一齊過。」

向性治療師取經

陳敏之於劇中演性治療師，開拍前更跟真實的治療師「取經」，她笑說：「真係學到唔少嘢，好似邊個地方舒服，邊個地方唔舒服。」問剛新婚的她與老公是否有所得益﹖她笑言：「呢排冇時間搞呢啲，不過遲啲都有用嘅。」敏之劇中與張兆輝有不少親熱戲，她自言不用向老公備案：「老公話題材幾大膽，到時都想睇。不過到時叫佢自己睇，我就同班姊妹睇。」

王君馨大晒玉背搶鏡。

許紹雄取笑身旁的張兆輝姓捐，名叫捐精。

祥仔續約機會高

之前被指得罪無綫的阮兆祥透露下年將約滿無綫，現已洽談新約，相信續約機會很高。祥仔與江美儀有不少親熱戲份，他笑言事前向對方男友吳君祥請教：「我問君祥，美儀有乜敏感地方唔掂得﹖佢答話全身都敏感。」

文：影視組