張繼聰元旦日 與馬迷分享好運
新鮮出爐的無綫「飛躍進步男藝員」得主張繼聰（Louis），今年認真「紅」運當頭，劇接劇冇停手，更獲香港賽馬會選為「好運之星」！將於下周元旦日到沙田馬場出席「好運1月1賽馬日」的Louis，更揚言要將好運帶給粉絲：「好運係要互相分享，冇得獨食，同埋我覺得係吸引力法則，想要好運就要保持心境愉快，善待自己同身邊人，咁好運就自然會嚟。」
勇奪獎項的Louis未有獎勵自己，但冧謂老婆謝安琪（Kay）的心靈鼓勵已是最佳禮物：「我覺得好感動，你遇到啲嘢都覺得冇乜嘢，但另一半比你更開心，其實呢樣已經係好sweet嘅事。」他打算買份大禮答謝老婆背後的付出！