香港天氣嚴寒，但在倫敦舉行的《英國時裝頒獎禮》（British Fashion Awards）就上演一場眾星爭艷大解放，Rihanna穿上黑色西裝褸，玩中門大開；Rita Ora就玩黑絲誘惑，兩人「雙黑」打扮成為全場焦點，星級造型師郭慶彬（Ricky）大讚兩人打破沉悶的黑色打扮，着出光芒，散發個人風格。反而英國名模姬摩絲（Kate Moss）穿上黑色花裙就似師奶，差強人意！
「佢近年着衫愈嚟愈有個人風格，今次呢條黑色連身裙carry得好好睇，同埋佢一頭金髮好搶眼，加埋smoky eyes，就算全身黑色打扮都好有艷光，呢樣嘢係佢先能夠發揮得到，我都好鍾意佢件衫嘅cutting，輪廓簡單，剪裁特別，領口同高衩位加埋透視設計，感覺上唔多嘢，啱啱好。我都要讚吓佢對絲襪，呢類絲襪好難着得有型，但係佢襯埋一齊感覺好時尚。」
「一件好tough嘅西裝褸，佢着得好女性化，襯埋手戴嘅飾物，令一件平凡西裝褸玩得好有型，着得夠潮，加埋髮型同clutch，整體都唔悶，幾鍾意Rihanna嘅打扮，喺活動上佢同Rita Ora搶晒鏡，全黑打扮大家都驚好沉悶，但放喺佢哋身上着出光芒，襯得唔錯，展現個人風格。」
「今次打扮真係唔靚，我覺得條裙論盡咗，cutting同size好闊，望落去好鬆泡泡冇身形，好水桶，佢着貼身同有修腰嘅輪廓會好啲，呢條裙佢揀錯咗，有水桶身形就唔好睇，同埋佢身上冇乜飾物，好寡，唔算特別靚。」
「今次佢打扮得好乾淨利落，一件黑色嘅turtleneck pullover，下面襯咗一條百褶裙，我出奇地見到佢着得咁女性化，幾有型幾有時代感，平時佢都係以性感嘅感覺出現，今次好fashionable，好鍾意佢呢個打扮。」
「今次條裙就麻麻地，好師奶，呢條黑色底花裙就算係超級名模着上身都唔會覺得靚，闊袍大袖，佢唔夠高carry得唔好睇，加埋佢嘅髮型同化妝，感覺好80年代，今次着得好差強人意。」
「呢個打扮一般，佢勝在keep得唔錯，已經係退役名模，但身材一樣冇乜走樣，同埋佢膚色黑有着數，肥咗啲都唔覺，着咗條晚裝撐得起，我幾鍾意領位details，同埋膊頭有cut-out設計冇咁悶，簡單髮型同妝容都有時代感。」
星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是品牌之友，經常被各大品牌邀請出席米蘭與巴黎時裝周，還會為品牌在尊貴活動上擔任講師，與VIP分享與傳授配搭之道。