周家蔚肉赤老公搵錢辛苦
藝人周家蔚昨日攜囝囝洪大仁（TJ）出席聖誕活動，再度懷孕五個月的她表示聖誕會留港與家人及好姊妹開派對迎佳節：「因為我大肚唔飛得，不過老爺話新年可以坐車去內地，其實去旅行有老公洪天明喺度就得o架啦。」她又透露天明不捨得離開TJ半步，經常要跟囝囝孖鋪。
問有否準備聖誕禮物？她表示已準備好小朋友的禮物，還稱不需天明予聖誕驚喜：「我只係想囝囝乖同健康，天明做嘢唔好太辛苦，（佢好辛苦？）冇辦法啦，要搵奶粉錢，搵到錢就再諗生唔生，（想追女？）我鍾意女。」又表示為確保第二個小寶貝的頭形如TJ般漂亮，仍會選擇開刀分娩。