連詩雅「選擇困難」濕平悶死男友
歌手連詩雅（Shiga）、組合Super Girls昨日齊現身維園出席工展會的《香港製造 製造香港》活動，自認是「師奶仔」的Shiga最愛到工展會「執」平價貨及美食，她說：「平日買嘢都會格價，又因有『選擇困難症』，買一件傢私都會睇十次。」Shiga坦言不愛跟男友shopping：「會好大壓力，怕自己揀得耐，佢會唔耐煩。」雖然Shiga是慳妹一名，但絕對不會孤寒他人，送給家人及朋友的禮物，很少看價錢。
Super Girls因病四缺一
Super Girls的Jessica因病缺席，只有四位成員現身。談及組合的歌衫大部分單薄易生病，眾人笑住話：「嚟緊聖誕倒數都希望可以多啲冬季衫。」講到聖誕節，她們表示今年多了好多派對參與，自爆會將活動的紀念品包到靚一靚，當禮物送給C AllStar。
家燕姐暗示佘穎復合
以產品代言人身份出席的薛家燕，最近忙於與張智霖及佘詩曼合拍《十月初五的月光》電影版，談到佘詩曼與張智霖的緋聞再被炒作，有指袁詠儀（靚靚）打爛醋埕，家燕姐即爆阿佘大鑊：「靚靚要呷都呷我醋啦，我覺得冇可能囉。阿佘心有所屬，阿邊個返咗嚟嘛。」她雖未有開名，但不難推測所指極有可能是鄭嘉穎。
至於外傳龍劍笙早前演出後慶功宴上，向白雪仙跪地道歉，家燕姐代為澄清，指屬新聞炒作：「當時我都在場，冇見到咁，又係新聞炒作！仙姐好錫徒弟嘅，謠言真係唔可信。」
文：音樂組