伊健草蜢熱舞悼師傅羅文

天后容祖兒、鄭伊健、草蜢、豹小子成員甘子暉（MIC）、張敬軒、李克勤、鄭欣宜及盧海鵬等人前晚出席「不朽傳奇•舞台上的羅文紀念演唱會」，打頭陣出場的祖兒表演後即為巡迴演唱會美國站趕飛機，鬼馬的鵬哥則獻唱改歌詞版的《幾許風雨》，幕幕精彩。

豹小子成員掀高潮

伊健、草蜢、陳小春及MIC化身新組合「Suddenly」獻唱《好歌獻給你》、《紋身獵人》及《讓我奔夜》，眾人在台上勁歌熱舞掀全晚高潮，伊健受訪時謂好幸運可以做羅文徒弟：「佢玩同唱都好認真。（太太蒙嘉慧有喜？）又傳？如果係一定講，但依家唔係。」

羅文	羅文前助手Terry感動哭泣，由舞蹈員擁着安慰。

穿上開胸連身褲的欣宜性感演繹《波斯貓》，她說：「我只為一個人性感，我咁有勇氣、咁大件仲扮波斯貓，係Uncle Roman由我細個就畀好大信心我。」軒仔大方回應有指陳奕迅（Eason）缺席頒獎禮造就他奪「男歌手」獎說：「幾年前同Eason傾偈，佢好想我哋呢輩多啲機會，佢好有風度，今年我好畀心機，去到最尾我對得住個盃（獎）。」

陳寶珠（左起）陪師傅白雪仙到場欣賞紀念騷。

欣宜落力扮貓獻唱《波斯貓》。

前助手哭唱生日歌

另外，與羅文相識40年的時裝設計師劉培基於完騷前上台講感受，他說：「今晚呢個Party勾起好多回憶，我11歲識佢，同佢交情係40年，我哋共過患難，今晚我感覺到佢嚟咗呢個Party，相信佢呢刻好開心咁笑，仔，羅記，We All Love You，Happy Birthday。」隨即推出巨型蛋糕，由眾歌手邊切蛋糕邊唱生日歌送給羅記，身為搞手之一的羅記生前助手Terry更數度流下男兒淚，場面感人。

文：音樂組