阿佘雙料視后安仔3度稱帝

備受關注的無綫《萬千星輝頒獎典禮2014》昨晚在將軍澳電視城舉行，共頒發十六個獎項，賽制跟去年一樣，視帝、視后及最佳劇集由觀眾及專業評審選出，「最受歡迎電視男、女角色」則100%由觀眾票選，共有185,779人投票，人數較去年少，無綫解釋是因提早半小時截票以配合頒獎時間。

視帝方面，大熱郭晉安揮低黎耀祥、林峯及陳展鵬，成功憑《忠奸人》「高哲行」一角稱帝！50歲的安仔早於03年及05年憑「阿旺」兩度稱帝，今次三奪無綫視帝追平了羅嘉良及黎耀祥的紀錄，多演忠厚角色的安仔在《忠》劇中飾演奸到出汁的殘障律師，演技爐火純青獲觀眾激讚！安仔得知得獎後即呼了一口氣，並與眾藝員擁抱接受祝福，張智霖頒獎時搞笑與安仔自拍，其後安仔發表感性謝詞：「自從我對仔女出世後其實我已經攞晒獎，我感謝佢哋改變我性格，先可以好自然咁面對我嘅職業，我好感恩有對仔女教識我點做人，我印咗佢哋嘅樣上件衫度，帶埋佢哋嚟！」其後他多謝太太歐倩怡時一度哽咽。

郭晉安相隔多年再奪視帝，這次亦是他第三次獲視帝。	頒獎的張智霖在台上與安仔搞鬼自拍。	風騷的佘詩曼與幾位女演員玩自拍。

許紹雄「最受歡迎」

「最受歡迎電視男角色」由《使徒行者》的「歡喜哥」許紹雄（Benz雄）以62,705票奪得，66歲的Benz雄去屆奪得男配角獎，演技早獲肯定，昨晚更贏埋民心！宣布賽果後全場歡呼，Benz雄說：「多謝監製構思歡喜哥呢個角色，但唔好意思，個獎畀咗我就唔會畀番你，都要多謝我老婆仔女！」

資深演員許紹雄成為最受歡迎電視男角色。

王祖藍與薜家燕奪最佳主持獎。

視后方面，39歲的佘詩曼在《使徒行者》中演繹調皮臥底「釘姐」令人驚艷，喊戲或輕鬆戲份都扣人心弦，結果阿佘不負眾望，連奪視后及「最受歡迎電視女角色」（75,171票）成為雙料視后，撼贏鍾嘉欣、徐子珊及田蕊妮等，其實阿佘於2006年已憑《鳳凰四重奏》「起雙飛」，昨晚更成為史上第一位兩次都成為雙料視后的女藝員，可喜可賀！而阿佘早前已憑《使》劇贏得新加坡及馬來西亞視后，昨日更獲得「2014年度中國內地最受歡迎TVB劇女藝人」，攞獎攞到手軟！

佩戴250萬港元鑽飾的阿佘，身穿價值25萬元法國訂製的白色晚裝，阿佘得角色獎時簡單向監製、同劇演員及觀眾致謝，其後她從汪明荃手中接過視后獎座，並眼濕濕地說：「人哋話我攞硬，但真係唔容易，要付出好多，有好角色又要好好把握！我今次好好彩！仲有要多謝媽咪，我壓力好大會忟憎，佢永遠畀燦爛笑容我。」

吳若希得歌曲獎

此外，安仔及阿佘行紅地氈時壓軸出場，齊穿白色戰衣猶如預演得獎，提到被指「翻撻」張智霖，阿佘說：「今日唔講呢啲喇！（有傳佢頒獎畀你？）我唔知有冇獎，多謝大家支持。」另外一個由全民投票的「最受歡迎劇集歌曲」獎，由吳若希的《越難越愛》奪得（42,935票），而大熱劇《使徒行者》全晚共拎五獎成為大贏家。

而鍾景輝頒最佳劇集時搞Gag表示是三個字，《忠奸人》主角安仔及田蕊妮起身互望，其後知道是《使》劇後即尷尬坐低。

文：影視組