蔣志光熱奪男配何超儀女配爆冷
憑《老表，你好hea！》爆紅的蔣志光昨晚榮獲「最佳男配角」，全場藝人站立鼓掌兼叫囂，頒獎嘉賓江美儀更獻「肉嘴」，廿年前曾獲歌曲獎的蔣志光說：「無獨有偶兩個獎都同歌曲有關，廿年前我係歌手，廿年後我飾演歌手，我係專業嘅演員。」並謂千里馬終遇伯樂王祖藍，祖藍則在台下感動落淚，蔣志光又大唱《最幸福的事》。爆冷獲「最佳女配角」的何超儀以一身埃及妖后look上台，她打算將獎送到醫院給父親何鴻燊。
黃翠如則贏得「飛躍進步女藝員」，當她表示感謝「愛我嘅人」時，眾人焦點即轉向其男友蕭正楠兼起哄，對方一臉尷尬，翠如說罷「希望將所有祝福送畀香港人」之後急急落台。事後翠如解釋：「個獎同佢關係唔大，但佢將所有票投畀我，指甲油都係佢揀。」而「飛躍進步男藝員」就由張繼聰奪得，他冧爆太太謝安琪稱：「多謝佢每日臨瞓前、擘大眼令我見到好靚嘅嘢。」
問蔣志光為何領獎時選唱鍾嘉欣的歌？他表示純粹之前與嘉欣合拍《護花危情》，恰巧覺得歌詞很有意義，問他如何報答祖藍？他說：「佢仲開心過我，呢件事係佢一手促成。」
