歌手薛凱琪（Fiona）日前以性感露腰裝出席電台頒獎禮拉票活動，同場亦有許志安、張敬軒、吳雨霏、周柏豪等。期間Fiona對《東網電視》表示，自己滿意今年成績，對獲獎沒太大壓力，反正得獎與否，都早已相約好友黃柏高於頒獎禮後唱K慶祝。
有指很多一線歌手將會缺席頒獎禮，問Fiona會否覺得獲獎機會增加？她說：「入行咁耐見過有啲歌手冇出席都會頒畀佢，主辦會知邊啲值得拎，唔覺得去會多咗機會。」至於多年沒有出席無綫頒獎禮的張敬軒表示，今次能出席頒獎禮大感期待。
