裸模事必為名利而脫？多數係，但總有例外，好似英國妹Chloe Bodimeade，佢可算係唯一一個因貪玩而踩入行嘅裸模，由於佢得閒先晒兩球，物以罕以貴，咪令阿妹更矜貴囉！
Chloe Bodimeade好坦白對傳媒講，喺佢兩年嘅「裸模」生涯中完全搵唔到錢，反而付出比收穫多，事關每次嘅事前準備，例如出場嘅性感戰衣、高踭鞋以至化妝整頭等費用，都係阿妹自費。Chloe解釋佢目的只為靚靚，錢當然想賺，但從未幻想過，因為佢明白到要付出先有收穫，而自己喺業界只屬玩票性質，所以唔會有任何要求喎！
世上咁多嘢玩，點解要搵剝衫嚟玩？當事人未有正面回應，佢只係話人生苦短，喺唔影響任何人情況下想試就試，好似佢對自己波哋信心十足，為求開心就嘗試喺公眾前大解放，而事實外界反應亦好，可惜無論其他人想睇得更多，Chloe都唔會動搖變全職裸模，事關佢最愛始終係音樂，要做世界級女DJ喎！
報稱修讀音樂出身嘅Chloe，未夠秤已晚晚去夜店蒲，阿妹就話去吸收音樂靈感，結果第一份工就去夜場做DJ助手，認識到一班音樂人後就開始喺夜場打碟，據聞佢喺英國好受歡迎，近年更開始創作電子音樂，掟上網畀樂迷「單撈」試聽。喺夜場工作多年，Chloe對音樂熱誠有增無減，更希望吸收更多經驗，日後可參加國際比賽，進軍世界級DJ。但無論佢音樂幾有才華都唔及架生吸引，皆因佢天然32D-23-32，真正索爆巨咪，打碟時服飾又性感，難怪咁多人慕名支持，甚至Follow阿妹社交網等睇好嘢啦！
而見慣大場面嘅Chloe亦早知自己齊架生，直到3年前有Model公司經理人主動搵佢拍寫真，當時一口答應，唯一條件係形象由自己話事。阿妹對奶正人所皆知，更曾經玩得太High喺This Is Glamour四點盡現，但自此一役就再冇見過，究竟佢幾時會再癲過？各位真係要實喇！
簡介：都話阿妹正職做女騎師，所以想睇佢剝有難度，不過佢開工都着得鬼咁Sexy，一樣咁吸睛，如果純粹想睇佢寫真，This Is Glamour都有幾輯你爽，想聽歌就去mixcloud.com搜阿妹大名，想知佢今期搞乜，去邊度玩，Twitter包無衰。
網址：https://twitter.com/Chloethebody/media
出生日期：1992年1月1日
三 圍：32D-23-32
身 高：5呎4吋
撰文：祖