衛詩雅嗒糖出口術冧仔
藝人衛詩雅前晚出席活動時自爆有心儀對象，不但出口術大讚男方，又指二人也互有好感，明顯神女有心，希望對方識做加把勁。
衛詩雅與冼色麗兩位靚女前晚現身關懷愛滋慈善晚宴，衛詩雅稱最喜歡跟家人一齊做善事，既可幫人又可享天倫，一舉兩得。她又自爆近日在朋友介紹下認識了一名異性，坦言被對方的一顆善心吸引，她大讚：「佢好有善心，真係會同朋友搞個慈善組織去幫人，我覺得後生仔有咁嘅善心係好難得；佢個人好正面又有善心，呢樣嘢好吸引，所以如果大家想吸引異性就有多啲善心啦！」
感覺良好又啱傾
問到對方是否追求她時﹖衛詩雅未有正面回答，但就指大家互生好感：「冇講到咁明邊個追邊個，但大家感覺幾好，啱傾，最緊要思想溝通得好。（咁你進取啲？）我講到咁都好主動啦，同埋緣分冇得進取同強求！」她表示對方是圈外人，並直認抗拒跟圈內人拍拖，因為她是醋酲一名，接受不到男友跟對手拍親熱戲，但記者指她也會拍親熱戲時，她理所當然地說：「我拍就得。（你係港女？）我係o架！」
冼色麗安全第一
至於冼色麗指愛滋病並不可怕，只要有安全意識就可以，問她與異性有親密接觸時會否特別小心﹖她說：「咁呢樣嘢由細到大都有正面教育，如果有性接觸當然要做足安全措施，仲有毒品自己都肯定唔會接觸。」她承認曾被引誘吸毒，但自己意志堅定而拒絕。另外，她透露因壓力而瘦了近10磅，連上圍也跌級。
文：名人組