女星行紅地氈爭妍鬥麗，無論化妝、髮型以至珠寶首飾，真係少一分配搭都無法展現完美造型，早前鞏俐、章子怡、李心潔、桂綸鎂、陳妍希及楊丞琳等女星在同一場合下，互爭長短。時裝作家王麗儀（Janice）大讚桂綸鎂把白色立體花飾裙演繹得飄逸清新，漂亮非常。Janice亦欣賞鞏俐所穿的金色晚裝裙，氣勢贏晒，大讚着出女王風範！
「好靚，係一條好多手工嘅裙，有好多立體花飾，婚紗款式好蝦人着，年紀大啲着好異相。佢後生襯得起條裙，加埋中性髮型，感覺好飄逸清新。」
「金色好蝦人着，佢着出嗰度氣場，儀表風度、高貴優雅，其他人着效果已經唔一樣。雖然拎唔到影后寶座，但成個look加埋身份已經着出女王風範。」
「黑色永遠係行紅地氈最穩陣嘅顏色，胸前透視有少少性感，呢啲被稱為高貴優雅，係一條設計有心思嘅裙，不過論爭妍鬥麗，未必做到突出嗰個。」
「不過不失，條裙幾靚，但髮型同妝容太保守，髮型好似太太、古老咗，可以艷麗番啲，例如流行嘅紅唇妝，佢個妝太自然，唔夠隆重。」
「輸咗畀鞏俐，條裙似出普通event咁casual，但髮型同鑽飾方面又太隆重，唔配合條裙。條裙比較春天氣息，如果要着呢條，就應該配番細件啲嘅首飾。」
「罕有地鮮艷同性感，高衩加單肩設計係古希臘女神服裝，不過佢身形較圓潤唔夠瘦，變咗泰山裝。髮型應該好似楊丞琳咁斜蔭遮面，依家突出咗面圓缺點。」
王麗儀（Janice Wong），一位時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。