Eric Kwok難捨崔碧珈老婆逼斬纜
有「G奶謝安琪」之稱的藝人崔碧珈昨日出席電影《老笠便利店》的拜神儀式，同場包括有黃柏高、曾國祥及郭偉亮（Eric Kwok）等。昨日一身啦啦隊打扮的崔碧珈更賣大包騷出五吋事業線，甚有壓迫感，而拍檔Eric Kwok笑稱要三小時去習慣她亮眼的身材！
訪問時談到Eric Kwok在戲中與崔碧珈有摸胸戲份，他指早向太太葉佩雯備案，可惜未能幸免於禍，他笑謂：「一開始佢都冇出聲，拍完戲返嚟就有說話畀我聽喇，唔准有wechat，唔准有contact！我話拍完佢Send番啲相畀我睇咋喎，佢都話唔准！」然後他又笑謂無法抽離角色，除非見到葉佩雯，問他害怕緋聞？他謂：「唔怕，我好多謝葉佩雯，佢好開通。」
摸胸唔尷尬
而崔碧珈在訪問時亦有提過該場摸胸戲份，更大方表示毫不尷尬謂：「其實做之前我同佢溝通好，原先都有諗過借鏡、角度拍，不過導演就覺得真實啲好，好快一、兩個Take就搞掂。」之後她更預告二人更有激烈的對手戲，問她可會全裸上陣？她謂：「我暫時都唔會接一啲全裸或者半祼。」此外，盧惠光於戲中更有一場被打至頭爆血流的造型曝光，相當搞笑！
另談到有關拍檔林雪欠債一事，曾國祥與黃柏高都稱未有所聞。
文：影視組