祖藍撐東華旺氣吸善款
多位歌手及藝員昨晚出席慈善節目《歡樂滿東華2014》，將做新郎哥的王祖藍以旺氣帶動善款，他透露正為婚宴嘉賓名單大感頭痛！至於嬌滴滴的岑麗香及陳庭欣等跟香港代表隊比賽划艇。
昨晚慈善節目《歡樂滿東華2014》在將軍澳電視城舉行，曾志偉、汪明荃（阿姐）及曾華倩等擔任主持，譚詠麟獻唱多首金曲籌款，明年二月將迎娶李亞男的王祖藍負責環節「為食籌款彈一餐」，人逢喜事精神爽的祖藍，被問到是否以旺氣帶動善款？他笑言只是玩小遊戲，並透露日內便出發到馬爾代夫影婚紗相，逗留約一星期。問到亞男的泳裝婚紗性感程度，祖藍說：「我都唔知佢帶咩去，我未得閒理佢！成個星期冇見未婚妻！不過佢唔使減肥。（你呢？）唔使旨意，我唔會有六舊腹肌。」
他表示此行會研究賓客名單，直言大感頭痛：「酒席有八百幾人，但我哋識嘅人都有半間TVB！（Cut走啲人？）最煩係座位。（擺幾日？）諗過，都係唔好喇！」
平時少做運動
岑麗香以低胸裝出場，其後她換上運動背心與高海寧及陳庭欣等玩划艇機籌款，畫面相當動感，她說：「今次要同香港代表隊成員鬥划艇，平時我冇玩健身，最近一次已經係13歲體育堂。（夠氣？）幾次綵排都OK！鬥快啫！（自己平時會捐錢？）每年都會預留一份錢捐去教會，賺多啲捐多啲。」阿姐的Fans Club「明荃之友會」捐出以總值10,800港元的紙幣摺成花樽，底價38,000港元，阿姐讚Fans夠心思又有創意。
阿刨錄影撐場
每年《東華》對粵劇表演相當重視，今年獲名伶龍劍笙（阿刨）撐場，早前阿刨返港演出折子戲《任藝笙輝念濃情》叫好叫座，她亦特別將《牡丹亭驚夢》及《紫釵記》折子戲為節目籌款。
全晚不乏扮嘢表演，開場環節猶如《Sunday扮嘢王》，楊詩敏（蝦頭）扮梅艷芳、張振朗扮張國榮、姚兵模仿吳剛半裸搽油耍功夫、王維德扮新馬師曾等。而近年熱爆環節「卡拉之星」的霸主薛家燕今年因忙於拍戲沒有時間排練，無奈未能參加，她說：「好多fans話撐唔到我都好失望，我都覺得抱歉。」
文：影視組