前「中國小姐」趙哲妤（Uny）昨日出席時裝品牌周年晚宴，以短裙現身力抗寒流。問及感情事時，Uny指自己思想保守，從未試過主動追求異性，更加不愛夜蒲：「喺香港我要揸車，所以唔會飲酒，如果飲，身邊一定要有朋友，自己比較膽小。」
至於AD2成員艾美琦（Amy）及o靚模王璐瑤（LuLu）被指搭上澳門猛人，Uny語帶雙關說：「同LuLu比較熟，同Amy就唔太熟，Amy有約我食飯，但我冇應約，戥佢哋開心，要祝福佢哋可以買到新手袋，我比較腳踏實地。」
