陳嘉桓謝票爆被摑十幾巴
陳嘉桓、黃芷晴、周柏豪與導演朱家宏前晚於旺角出席電影《販賣．愛》謝票場，電影反應不錯，全院滿座。對於首次擔正的陳嘉桓來說，當然十分開心，她表示：「之前優先場反應都幾好，依家正式上映，都好想知大家嘅反應，好開心好多都好正面，感人、有笑位，希望繼續有好嘅反應。」
前輩帶入戲
而戲中陳嘉桓除跟周柏豪、廖啟智有感情戲外，與飾演媽媽的龔慈恩亦有不少母女深情對話的感人場面，相當催淚，陳嘉桓亦喊得很入戲，令觀眾動容，演技進步不少，她笑言：「呢套戲真係要好多謝龔姐（龔慈恩）同智叔（廖啟智），佢哋真係好厲害，戲好好之外，亦能帶動到成個劇組，我好多場戲都係一Take過，好順利，好感激佢哋同導演。」
談起與龔慈恩的對手戲，陳嘉桓笑言拍該片時曾被對方打了十多巴，她謂：「有一場戲係講我激到龔姐要打我一巴，因為呢個場口要拍幾個鏡頭，所以龔姐要打我十幾巴，龔姐都唔忍心，但我同龔姐講唔緊要真打，呢場戲對我嚟講都幾難忘。」
文：影視組