胡杏兒神秘收花 吳卓羲嫌疑大

無綫藝員胡杏兒昨晨與黃浩然現身機場，準備往新加坡出席粉絲聚會，順道宣傳無綫劇《醋娘子》和《名門暗戰》。最意想不到是，杏兒抵達香港機場後竟然有工作人員向她遞上一紮玫瑰花，更附有祝福字句：「醋娘子 胡杏兒 收視爆燈！揚威國際！Mr.R」，令杏兒一臉錯愕，連反應也給不到。自稱單身的她，立即被懷疑是否有新歡，同時舊愛黃宗澤、緋聞男友李思捷和拍檔吳卓羲頓成頭號嫌疑人物。

坦承有新朋友

問胡杏兒誰送花？她最初猜測Mr.R是阿Ron吳卓羲，她笑謂：「好奇怪呀，但佢邊會有咁好呀？又或者係啲好姐妹送，當玩吓。（拍拖？）冇冇冇，冇啲咁嘅事。（若是追求者送，會否感動？）都感動o架，但冇呢張嘢會好啲。」之後她透露最近認識了「啲」朋友，但近期忙於聖誕商演，以致無暇談情，問她何時發展戀情？她笑謂：「盡力啦！因為多狗仔隊跟呀最近，（妨礙你？）唔係阻住，係驚嚇親人啫。」

記者聯絡上身在內地的吳卓羲，他說：「點解佢咁話我o架？話晒以前拍《衝上雲霄》都送過花畀佢，不過化妝、服裝阿姐都有嘅。」《醋》劇監製潘嘉德則說：「我都唔知有人送花，睇東網即時新聞先知咋。（吳卓羲送？）吳卓羲都唔喺香港，唔係佢送啩。」李思捷則說：「哦，Mr.Right嘛，即係最適合佢嗰個啦，但我唔知邊個最適合佢，希望佢快啲搵到。（已有？）真係唔知邊個係，如果真係有，要出嚟慶祝吓，我都想見吓邊個係佢Mr. Right。」

黃宗澤冇拖拍

至於黃宗澤透過經理人說：「依家我喺內地拍劇，好忙，兼顧唔到送花呢樣嘢！依家我仲單身，要專注工作，拍拖暫時冇諗，工作為先！」胡杏兒的好姊妹胡定欣則說：「我都想知邊個送，佢呢排好多花收，我覺得唔會係吳卓羲送，R意思係咪Mr. Right，等我問吓佢幫佢過吓目，都希望佢快啲搵到個好歸宿，生兒育女，唔好再黐纏我哋嘞。」

文：影視組