岑紫生自嘲阿婆 望到內地掘金
英皇新人岑紫生（Kimberly）平日愛做瑜伽keep fit，自嘲「阿婆」的她晚上八點後更堅拒進食，她說：「我好似阿婆咁六點幾七點就食飯，一過咗八點就唔會食零食同其他嘢，夜晚都好少飲水，因為好易會令到個人第二朝水腫。早餐我會食得豐富啲，午餐同晚餐就少食澱粉質。」忍功了得的她更謝絕消夜：「劇組食消夜我會望住其他人食，慢慢培養成習慣，見到自己身體好咗就會適應。」
目前專注電影發展的Kimberly曾想過歌、影雙棲發展，惟她錄音後發生小插曲：「之前公司有叫我去試音，但錄完之後，就同我講：『你都係專注向電影方面發展啦！』」北望神州的她現積極學習普通話，望鋪路到內地發展。
場地：Beart Academy