薛凱琪dry爆 搵女浪漫

歌手薛凱琪（Fiona）前晚以一襲開衩長裙出席太古廣場聖誕亮燈活動，大騷美腿，她表示愛聖誕節多過自己的生日：「因為生日係自私啲，聖誕就好似所有人嘅生日咁！daddy教咗我一個傳統，要買好多份禮物，特別係最親嘅人，如果有時間，仲會自己做啲手作仔添！」她又自認是浪漫主義者，認為浪漫是不用花錢的，問到最難忘的浪漫事？她笑說：「細個讀書冇錢，同情人兩份食咗個焗豬扒飯，都覺得好甜，我到依家仲記得！我又試過整咗本相簿送畀以前男朋友，後面係寫咗好多嘢！」