Mandy Lieu失聯絡 消防破門入屋
名模Mandy Lieu的男性朋友昨日突然報警，聲稱連日來未能與Mandy聯絡，擔心她在寓所暈倒，警方即時上門調查，由消防員破門入屋，雖然未能聯絡Mandy，其經理人即時澄清只是誤會一場，Mandy正在度假中，要明年一月才復工。
警方昨日中午1時許接獲一名陳姓男子報案，聲稱與一名居於中環亞畢諾道某單位之女性友人失去聯絡多日，擔心其在寓所內暈倒。警方到場調查，惟冇人應門，遂召消防員到場破門，但發現屋內冇人，事件列作誤會案件處理。肇事單位正是名模Mandy Lieu之住址，記者趕至現場採訪，但未見她現身。
屋內冇異樣
及後記者致電Mandy，但電話一直沒有人接聽，隨後再聯絡其經理人Marie，她在電話中否認Mandy暈倒一事，並解釋說：「Mandy有個男性朋友連日來搵唔到佢，好擔心，跟住打電話報警，但佢當時唔在現場，報警後消防員即到佢住嘅大廈，樓下看更就打畀我，我即時去現場，消防喺佢住所破門，入到去屋企冇人，間屋冇被破壞，亦冇特別異樣。」
依家放緊假
Marie續表示等到消防員及警員離開後，她隨即幫Mandy更換了門鎖。被問到Mandy最近有否異樣，事件會否是被人整蠱？她說：「應該唔會，誤會啫，唔好諗到咁複雜。（Mandy依家點？）我暫時未聯絡到佢，佢依家放緊假，放到下年一月。（依家呢個誤會喺咪settle咗？）佢香港冇親人，有咩我可以幫佢處理，settle咗啦。」
記者守候在Mandy寓所期間，發現藝人鍾麗淇由大廈步出，被問到是否來探Mandy，她笑笑口說：「唔係呀！我有朋友住呢度，嚟探朋友。」隨即離開。
文：名人組
攝：追蹤組