缺席蘇永康婚禮阿B送鑽石補鑊
剛新婚的歌手蘇永康，昨日一身潮服現身銅鑼灣，與好友鍾鎮濤（B哥）及杜德偉歎茶，三人歎足兩小時，心情大好的蘇永康手持禮物步出食肆，他說：「B哥真係好有心，嗰日嚟唔到飲，依家送結婚禮物畀我。」身旁的B哥被問送甚麼禮物？B哥說：「鑽石啦梗係！好大粒o架！」蘇永康又提到太太婚後即飛到上海工作，今日返港。對於好友張衞健在after party醉到要被抬上車，蘇永康搞笑地說：「佢應該醒o架啦。」
而張衞健昨日接受電話訪問時表示仍未酒醒，頭暈暈兼頭痛，記者笑問他是否因未能攝位飲「新抱茶」而改飲「新抱酒」令自己大醉？他說：「係啦，我一向酒量都唔好，三杯已經好high，食飯嗰時我都冇飲，但去到after party就好開心，連續飲咗十杯紅酒！」