Amanda聖誕節冇仔約
名模Amanda S.與陳嘉容（Eunis）昨日出席活動，二人甫見面即講個不停，非常投契。Eunis透露聖誕有節目：「24、25、26日都約晒朋友玩，啲女仔朋友知道我單身，就話有party要介紹男仔畀我識，真係好有心。」
Amanda坦言臨近聖誕，餅店生意特別忙，自己已四年沒有過聖誕。問到今年會否分外孤單？她說：「年年都一樣，聖誕要做嘢，有老公嗰陣，我都係一個人喺廚房同舖頭幫手。」她坦言沒有追求者約，問到會否考慮跟Eunis一同去派對識男仔？她笑言：「有時間都想去，不過我要做嘢，想都冇用。」此外，Amanda晚上性感打扮出席頒獎酒會，令人眼前一亮。