祖兒接得花球 小齊送補品

蘇永康昨晚假酒店筵開50圍婚宴,大批圈中好友到賀,計有任達華夫婦、方力申(小方)與女友鄧麗欣(Stephy)、楊千嬅夫婦、黃家強夫婦、郭偉亮夫妻、杜德偉夫婦、呂良偉夫婦及任賢齊與女友Tina,還有歌神張學友、容祖兒、謝安琪、吳君如、吳雨霏、曾志偉、邱淑貞等,傳拖女友王菲現身的謝霆鋒單拖現身,問他女友在那?他沒有回答只揮手入場。

新郎哥有意明年生B,身為兩女之父的學友有否生育秘方送對方?他笑說:「吓,我生手咗咁耐,搵啲熟手啲嚟教。」對於無綫開放平台給冇約歌手上頒獎禮節目,學友認為是好事。

至於小齊笑言會送在台灣投資的補品水魚精給蘇康:「我都試過,好到不得了。(追多個?)我夠啦。」小方與Stephy再被追問婚期,小方即問女友:「你鍾意喺香港定外地?」Stephy表示最想在歐洲,小方即搞笑說:「我諗住鴨脷洲。」她說反話:「咁長洲啦!」祖兒被追問幾時結婚?她說:「係開心事嚟嘅,想感受吓呢啲歡樂多過自己搞。」在婚宴上,她接得花球,祖兒擔心已接了多次有反效果,蘇康安慰她,指太太做過無限次姊妹都嫁得出,冇事嘅!