謝霆鋒與王菲世紀復合，據內地消息指，內地各大電視台為了噱頭，紛紛希望飲頭啖湯，希望邀得「鋒菲」出席倒數活動，更開出逾千萬人民幣利誘二人同台演出，可是「鋒菲」無意公開晒幸福，更不會為錢合體。
本報致電英皇娛樂藝人部副總經理廖先生，對於內地電視台以千萬酬金邀「鋒菲」合體一事，他說：「唔只電視台，多個品牌、樓盤、商演都有接觸過我哋，淨係6至7月，我哋都推咗十幾個！其實佢哋又點止呢個數，加上阿菲係屬唔同經理人，暫時唔會考慮！」廖先生又強調不希望以藝人私人感情做噱頭賺錢，但不會排除鋒菲合作的可能性。王菲經理人陳家瑛則說：「冇可能，阿菲唔會做呢啲嘢，佢一向低調！」