吳千語瞞林峯 殺落MK

藝人吳千語、林德信（Alex）及穿上露臍裝的盛君等，前晚到旺角出席新片《青春鬥》首映，警方曾呼籲「旺角是高危地區」，問到千語男友林峯會否擔心她？千語不知是否「驚驚」，有點答非所問，她說：「佢都唔知我落旺角。（唔話佢知，怕佢擔心？）我都預早咗好多落嚟，因為怕塞車，我整頭髮間salon喺中環，過嚟個幾鐘。（會喺旺角購物？）喺呢度買爆谷算喇！」
吳千語殺落「高危區」旺角谷片，她表示沒有知會男友。
吳千語殺落「高危區」旺角谷片，她表示沒有知會男友。

Alex則搞笑說：「我就自己揸車過嚟，行油麻地嗰邊，幾暢順。架車泊咗喺停車場，萬一有事，我就搭地鐵走囉！（揸車為咗方便購物？）我都係買爆谷算啦，我鍾意又鹹又甜咁食。」

體驗畀人打

提到新片票房期望，千語說：「希望大家支持，我有好多動作戲，被人打，吊咗幾個禮拜威吔，見到動作導演都驚，佢示範出拳，打到好近我眼睫毛，可能佢習以為常，我就覺得係好新嘅體驗。」

林峯
  • 林峯
林德信為配合角色剪了個傻氣的髮型，笑言可愛到連朋友都唔認得。
  • 林德信為配合角色剪了個傻氣的髮型，笑言可愛到連朋友都唔認得。
吳千語（左）與盛君在戲中有不少動作戲，非常難忘。
  • 吳千語（左）與盛君在戲中有不少動作戲，非常難忘。

Alex亦笑言有突破演出，他說：「我喺戲中唔識打，純搞笑，剪個傻傻髮型，從未試過咁可愛，朋友睇見我海報個look，都話好cute，叫我唔好轉，keep住！又有friend話唔認得我，（松岡李那唔認得？）好多人都唔認得啦！」

文：影視組