汪明荃倡搞活動 氹年輕人

汪明荃昨日以八和會館主席身份，到尖沙咀文化中心出席「2014粵劇日」開幕儀式，對於上台表演粵劇的小朋友，她說：「都幾整齊，佢哋係用課餘時間練習，作為興趣，表現算唔錯。（點睇有官員倡議為年輕人搞舞會？）年輕人鍾意嘅嘢唔一樣，應該搞多方面唔同嘅活動畀佢哋。」她又謂不相信阮兆祥如傳言所指，因言論而被飛出慈善節目，她說：「唔會啦，係咪宣傳咋？祥仔同我唱仁濟（另一籌款節目）喎，係咪唔安排佢唱兩邊咋？但詳情我唔知，冇問。」