杏兒傾續約 講心唔講金

藝人胡杏兒、吳卓羲、岑麗香及羅仲謙等，昨日以古裝造型現身電視城宣傳無綫新劇《醋娘子》，男主角吳卓羲及羅仲謙打扮成「新郎」在現場踢轎門搶「新娘」，「新娘」杏兒笑言：「睇吓你哋下次邊個出席宣傳先決定嫁邊個啦！」擔心二人忙在內地拍劇，未有時間出席宣傳活動。

吳卓羲：忙到嘔

對於被指將不續約無綫，杏兒透露新合約一直傾談中：「之前一直都有傾，不過慢慢傾啦，錢唔係最重要，係有感情！（待遇好？）錢真係唔係最重要，係想睇吓自己條路可以點行！」她直認有其他公司有意簽她，至於價錢如何？她笑笑口指是商業秘密，被問到新合約將會最着重甚麼？她說：「想工作同生活搵個平衡啦，太辛苦會好快老！」

香香為出席無綫台慶頒獎禮，而特別操fit自己。

香香、羅仲謙和吳卓羲齊齊踢轎門。

同場的吳卓羲屬無綫合約藝員，獲無綫安排到內地拍劇，今次特意趕回港出席活動。問他是否將離開無綫？他說：「未決定，最近喺大陸拍劇，所以未有時間傾！（合約到幾時？）下年先約滿！」他又否認在無綫投閒置散，並笑言：「我喺ＴＶＢ做到嘔喎！」又認為獎項對自己而言只是緣分，但謂希望將來可以香港、內地兩邊發展。

香香操弗着靚衫

岑麗香則表示《醋娘子》是她第一套古裝劇，直言有困難兼有壓力，她說：「初初入行連睇劇本都有難度，最怕就係拍古裝！（多NG？）我拍之前翻譯咗劇本，希望更加明白個意思，劇入面我叫山楂，我就翻譯做Sandra。」

另外，香香昨出席另一活動，被問到是否為準備出席無綫台慶頒獎禮而特別操fit自己？她說：「都係，我做好多運動，呢排鍾意游水同跑步。（有冇男士埋身搭訕？）冇，我跑得好快。」

文：影視組