蘇永康雲頂衝刺 婚前執多80萬

歌手蘇永康和圈外女友馮翠珊(Anita)結束愛情長跑,訂於明天舉行婚禮,準新郎哥康仔為豪娶老婆近年密密開騷掘金,前晚在雲頂演出袋多80萬,更獲全場觀眾拍掌祝福,康仔直言只顧工作,整個婚禮由老婆一手包辦:「佢真係好勁嘅女人!」

近年事業再創高峰的蘇永康跟任職Alexander McQueen亞太區總經理的Anita拍拖8年,終決定拉埋天窗在明天舉行婚禮,並在晚上假洲際酒店筵開50席大宴親朋。康仔為儲老婆本,近年走遍美國、加拿大、台灣、內地及澳門開騷,工作排得密麻麻瘋狂掘金,即使婚前三天仍遠赴馬來西亞雲頂,以80萬的騷價夥拍老闆任賢齊、梁漢文和黃家強舉行《男人幫雲頂演唱會》。

梁漢文夠兄弟

康仔在演唱會上表示將於三日後結婚,即時全場起哄,他先感謝經理人、唱片公司老闆小齊對他事業的幫助:「老闆好好,畀好多工作我做,知道要養家,擺酒要用好多錢。」而小齊亦直言視康仔為「搖錢樹」,然後康仔大讚老婆:「我太忙不停做嘢,成個婚禮都冇點幫手,差唔多都係佢搞晒,佢真係一個好勁嘅女人。」其後康仔走到觀眾席握手時,歌迷紛紛恭喜康仔,更有女歌迷向他猴擒獻吻。除小齊和老婆外,康仔又特別感謝死黨梁漢文:「佢真係夠兄弟,今晚完騷後就趕去內地工作,然後又要趕返香港做我兄弟。」康仔更指「男人幫」大受歡迎正傾巡迴演出。

準新娘唔緊張

至於準新娘Anita接受本報訪問,坦言工作和康仔同樣排得密密麻麻:「康仔婚禮前去雲頂登台,我婚禮之後抖一日又要飛內地公幹。」婚期臨近的她卻直言:「可能我搞得event多,當正event咁搞,未去到好緊張地步。」她表示婚禮當晚希望跟賓客們像朋友聚會般。據知Anita當晚共有三套婚紗及禮服,全屬高級訂製時裝(Haute Couture),全人手製作,價值不菲,包括日前已到手的Alexander McQueen、Giambattista Valli婚紗,她會於婚禮上跟康仔補影婚紗照。

文:音樂組