Alice B.無可掩色 Rosemary駕輕就熟

《東網Baby》自推出以來反應熱烈，謙仔坦言閒時也會click入網站瀏覽，早前他就應《東網》邀請任評審，一切從美感角度出發來評分，結果於22輯靚相中選出吸睛度十足的《東網Baby》，三甲分別是「第四代Canon女」Alice B.、「中法名模」Rosemary及「韓籍女模」金愛妍。

靠氣質新鮮取勝

要裸露得來又帶點藝術感，謙仔認為模特兒及攝影師亦應記一功，坦言於表情上也要好好控制，稍為差一點也會變成另一回事，但Alice B.的半裸掩胸照配上其一副酷樣，令相片增添藝術氣質，更謂：「Alice B.係芸芸女仔當中比較有個性，好適合唔同類型牌子嘅model，即使平面同行天橋都得，重點係佢mix得嚟又有少少亞洲面孔，身形高挑又上鏡，仲有啲外國名模feel，夠晒大體！（比Rosemary優勝喺邊？）娛樂圈都係鍾意新鮮感，Rosemary都出道一段時間，Alice B.就會畀人哋多啲空間去發掘。」

第2位Rosemary 出道多年的Rosemary擺甫士駕輕就熟，展現成熟美。	第3位金愛妍	第4位Annie G.

金愛妍性感韓妹

而15歲便出道的Rosemary於模特兒界可算是老資格，惟於阿謙心目中卻對新鮮感情有獨鍾，他謂：「一睇落去就睇得出Rosemary經驗豐富，無論擺姿態同表情都係，對鏡頭敏感度十足，但就唔係佢以前嘅少女味，依家好有成熟美，所以我畀佢亞軍。」

第5位鄺芷凡	混血的Alice B.輪廓分明，配上高挑的身形，可塑性甚高！	閱女無數的謙仔落足眼力品評22輯《東網Baby》靚相。
曾任救生員的羅仲謙，憑俊朗的外型，投身演藝圈。

至於金愛妍，謙仔笑指近年韓風席捲全亞洲，所以他也「食住個勢」選番個正宗韓籍代表，他笑謂：「其實佢個樣都幾cute，比起其他女仔好唔同，身形都OK，又夠高，係好傳統嘅韓國女仔氣質，亦帶一點亞洲性感美。」謙仔亦有讚「翻版楊采妮」鄺芷凡（Omi）及Annie G.擁有健康美，後者更有燦爛笑容。

拯溺型男

對水有情意結的謙仔，從小喜歡游水，當年中學畢業後便報讀拯溺銅章課程，及後順理成章於私人屋苑當救生員。其後謙仔亦獲得泳池救生章，憑着他俊朗的外型，再加上身形健碩，於泳池已迷倒不少女生。惟後來謙仔認為救生員不可當一世，曾把心一橫報考消防員，不過最終卻被電影公司發掘，繼而進身當演員！

攝影：劉智源

髮型：Jan Chiu @ IL Colpo

化妝：Leo Tam @ Annie G Chan

服裝：Avenue 1218

場地：Cafe Yawn

文：影視組