周柏豪遲到側側膊 借心悠轉移視線
藝人周柏豪、劉心悠、莊思敏、何佩瑜及許雅婷（Kabby）等昨日到葵芳宣傳新片《小姐誘心》，活動原定下午兩點半開始，但身為男主角的柏豪，三點仍未見人，令心悠、記者及fans呆等，大會只好先行開始，莊思敏等人與現場觀眾玩完兩個遊戲後，柏豪終於到場，與心悠上台玩掟飛鏢。柏豪受訪時推說通告時間有別：「我call time（通告時間）唔同佢哋，（你call time幾點？）兩點半，（有冇遲？）遲咗。」對遲到始終不肯say sorry！(火羅)爆的柏豪隨即轉話題說：「同心悠合作，識咗個兄弟，以前我未入行，已經儲佢啲相。（冇女友，會追人？）我同佢鍾意嘅嘢好多都相反，唔諗追唔追，總之佢就好似我兄弟咁！」提到官恩娜被揭已入紙結婚，他說：「唔知喎，只知佢訂婚，（送乜禮？）寫歌，神聖又獨一無二。」
「鏢后」惡補技術
露背裝上陣的心悠透露新片角色是「鏢后」，故此公司為她聘請了飛鏢師傅「補鐘」，同場的Kabby則稱已開工拍攝周星馳新片《美人魚》：「前幾日入劇組，拍咗啲，但劇組想保持神秘，我未做魚，其實我都唔知自己做咩！星爺在場呀，有指導我，好尊敬佢，氣場好勁。」
此外，柏豪、模特兒鍾浠文（Zelia）和前歌手蔣雅文（Mandy）前晚一同出席電子器材品牌舉辦的Selfie Party，柏豪及後表示將有多部電影陸續上映，並有信心參與金像獎：「希望拎到最佳衣着獎啦。」而在台灣擁有自家時裝品牌的Mandy則表示甚少返港：「我事業根基都喺台灣，父母遲啲都會過埋去，嗰度好適合佢哋退休生活。」
文：影視組