娜姐商界奇bra 攻陷女人心
性感女神周秀娜成功升呢，向來食腦的她，近年大搞內衣生意，誓要建立內衣王國。日前她接受《好報》專訪，自爆投資八位數字做老闆娘，有意推出多功能矯形內衣和婚嫁系列。娜姐不但要俘虜宅男，更要攻陷女人的身與心！
昨日性感女神周秀娜與藝人羅仲謙、歌手張致恒等，一同出席I.T旗下CHOCOOLATE x AAPE迷你四驅車比賽活動，一身潮look打扮的娜姐被問到日前接受《好報》訪問時，透露投資八位數字建立內衣王國，更銳意五年內上市一事，她直認不諱說：「八位數字要o架，要多得大家支持，做生意梗係有咁大諗咁大啦。（你做埋生招牌？）一定要，我要試過，覺得熟悉，先可以介紹畀人。」
要以舒服為先
娜姐雄心萬丈，何時開舖？她卻說：「香港租金太貴喇，暫時網上試業先，我自己都好鍾意喺網上買嘢，預計年底開始喺網上賣。」娜姐又表示早前為新內衣拍攝廣告，親身上陣的她笑言一日內穿了一年的內衣次數，十分誇張！此外，她又承認想邀請韓國人氣組合少女時代的前成員Jessica一起合作，還大讚對方主意多多，希望可以邀請Jessica加入設計。事後娜姐接受電話訪問，透露考慮推出多功能矯形內衣及婚嫁系列，問到會否設計情趣內衣？她笑說：「情趣嘅嘢，定義人人唔同，但內衣應該要以舒服為主！」
謙仔曬黑催運
同場的羅仲謙一身古銅膚色現身，自爆故意曬黑：「相士話黑旺我，所以我去曬燈。（旺桃花？）乜都旺啦，會keep住曬，每次曬十幾分鐘。（你瘦咗？）特登減嘅，因為之前拍《醋娘子》覺得自己雙下巴脹爆。」有指吳卓羲有感在《醋》劇中淪為配角而不悅？謙仔否認其事，同時又否認自己與女友楊怡好事近：「吹水，娛樂新聞一則，依家專注工作，嚟緊會拍電影《西遊記之孫悟空三打白骨精》，好開心有機會同好多人合作，同鞏俐都有對手戲。」謙仔又指為求逼真，每天要花上數小時化特技妝。
文：名人組